सेलू शहरातील विकास चौकात तिथीनुसार छत्रपती शिवाजी महाराज जयंती मोठ्या उत्साहात आणि जल्लोषात साजरी

जय शिवाजी… जय भवानी… च्या घोषणांनी वातावरण दणाणून गेले.
कार्यक्रमाची सुरुवात पोलीस स्टेशन सेलूचे ठाणेदार देवेंद्रजी ठाकूर यांच्या हस्ते दीपप्रज्वलन करून करण्यात आली. यावेळी जुवाडी च्या उपसरपंच सौ. कविता अमर गुंदी यांची प्रमुख उपस्थिती लाभली. छत्रपती शिवाजी महाराजांच्या प्रतिमेला पुष्पहार अर्पण करून उपस्थितांनी महाराजांना अभिवादन केले.
या प्रसंगी विकास चौक परिसरात मोठ्या संख्येने नागरिक आणि शिवसैनिक उपस्थित होते. शिवाजी महाराजांच्या जयघोषाने परिसर दुमदुमून गेला होता. कार्यक्रमाच्या निमित्ताने भव्य लंगरचे आयोजन करण्यात आले होते, ज्याचा हजारो नागरिकांनी लाभ घेतला.
हा भव्य कार्यक्रम यशस्वी करण्यासाठी शिवसेना उद्धव बाळासाहेब ठाकरे गटाचे सेलू तालुका प्रमुख अमरभाऊ गुंदी यांनी विशेष पुढाकार घेतला. तसेच उपतालुका प्रमुख योगेश इखार, अतुल काकडे, शहर प्रमुख पिंटू पराते, बालू भुरे, विकास तावडे, अजय काळे, कृष्णा गुंधी, सूरज लावे, सुलभ डायगंवाने, संदीप कपिल, नाना भाऊ यांच्यासह मोठ्या संख्येने शिवसैनिक उपस्थित होते.
उत्साहपूर्ण वातावरणात आणि शिवभक्तांच्या उपस्थितीत छत्रपती शिवाजी महाराज जयंतीचा सोहळा मोठ्या भक्तीभावाने साजरा करण्यात आला.
महाभारत न्यूज – सेलू.