हिंगणी / शुभम सराफ :
यशवंत विद्यालय हिंगणी येथील एस.एस.सी. परीक्षा फेब्रुवारी-मार्च 2025-26 चा निकाल समाधानकारक लागला असून शाळेचा एकूण निकाल ८२.१४ टक्के लागला आहे. या यशामुळे विद्यार्थ्यांसह शिक्षक व पालकांमध्ये आनंदाचे वातावरण निर्माण झाले आहे.
यामध्ये शाळेत प्रथम क्रमांक कुमारी महेक जितेंद्र कामडी हिने ७३.८० टक्के गुण मिळवून पटकावला. द्वितीय क्रमांक कुमारी रितिका संजय दुर्गे हिने ५०० पैकी ३६८ गुण मिळवत ७३.६० टक्के गुणांसह मिळविला. तसेच तृतीय क्रमांक मेहुल सुरेश सातघरे याने ५०० पैकी ३६७ गुण मिळवत ७३.४० टक्के गुणांसह यश संपादन केले
या सर्व यशस्वी विद्यार्थ्यांचे संस्थेचे अध्यक्ष सन्माननीय श्री समीर भाऊ देशमुख, संस्थेचे जनरल सेक्रेटरी सन्माननीय डॉ. किशोरराव अहेर, शाळेचे मुख्याध्यापक सन्माननीय श्री नंदकिशोर ठाकरे तसेच शाळेतील सर्व शिक्षक, शिक्षकेतर कर्मचारी व गावातील मान्यवरांनी अभिनंदन करून भावी वाटचालीस शुभेच्छा दिल्या.
