९५.४४ टक्के निकाल; दिशा पोहाणे शाळेत प्रथम
ता. प्र. सेलू :
सेलू येथील दीपचंद चौधरी विद्यालयाने मार्च २०२६ मध्ये घेण्यात आलेल्या माध्यमिक शालांत प्रमाणपत्र (SSC) परीक्षेत उल्लेखनीय यश संपादन करत उज्ज्वल निकालाची परंपरा कायम राखली आहे. शाळेचा एकूण निकाल तब्बल ९५.४४ टक्के लागला असून, कु. दिशा राजू पोहाणे हिने ९५.६० टक्के गुण मिळवत शाळेत प्रथम क्रमांक पटकावला आहे.
यावर्षी शाळेतून एकूण ३२९ विद्यार्थी परीक्षेला बसले होते. त्यापैकी ३१४ विद्यार्थी उत्तीर्ण झाले आहेत. विशेष म्हणजे ६५ विद्यार्थ्यांनी प्राविण्य श्रेणी प्राप्त केली असून, ११२ विद्यार्थी प्रथम श्रेणीत उत्तीर्ण झाले आहेत. तसेच १०२ विद्यार्थ्यांनी द्वितीय श्रेणी तर ३५ विद्यार्थ्यांनी तृतीय श्रेणीत यश मिळविले आहे.
शाळेतील गुणवंत विद्यार्थ्यांमध्ये कु. दिशा राजू पोहाणे हिने ९५.६० टक्के गुणांसह प्रथम क्रमांक मिळविला. कु. जान्हवी दिवाकर माहुरे हिने ९३.०० टक्के गुण मिळवत द्वितीय क्रमांक पटकावला, तर कु. दर्शना अनिल चलाख हिने ९१.६० टक्के गुणांसह तृतीय क्रमांक मिळविला. याशिवाय कु. नंदिनी मारोतराव लाडे हिने ९०.४० टक्के व कु. कृतिका राजू नाईक हिने ८९.८० टक्के गुण मिळवून विशेष यश संपादन केले.
या यशाबद्दल मुख्याध्यापिका डॉ. कल्पना मकरंदे, पर्यवेक्षक हरिहर मुडे व गोपाल खंडागळे यांनी सर्व विद्यार्थ्यांचे अभिनंदन करून पुढील शैक्षणिक वाटचालीस शुभेच्छा दिल्या. विद्यार्थ्यांच्या यशामागे वर्गशिक्षक मिथुन हांडे, नितीन वांदिले, प्रवीण घोडखंडे, सुनील झाडे, ज्योती लोडे, मंगेश वडुरकर, सुनील घोडमारे, प्रशांत चव्हाण, उमाकांत पिंपळापुरे तसेच सर्व शिक्षक व शिक्षकेत्तर कर्मचाऱ्यांचे मोलाचे मार्गदर्शन लाभल्याचे त्यांनी सांगितले.
शाळेच्या या घवघवीत यशामुळे विद्यार्थ्यांवर, शिक्षकांवर व पालकांवर परिसरातून अभिनंदनाचा वर्षाव होत आहे.
