सेलू : येथील दीपचंद चौधरी कनिष्ठ महाविद्यालय ने बारावी विज्ञान शाखेच्या परीक्षेत उल्लेखनीय यश संपादन करत पुन्हा एकदा आपल्या गुणवत्तेची छाप उमटवली आहे. यावर्षी महाविद्यालयाचा एकूण निकाल 97.82 टक्के लागला असून विद्यार्थ्यांच्या यशामुळे परिसरात आनंदाचे वातावरण निर्माण झाले आहे.
महाविद्यालयातील गुणवंत विद्यार्थ्यांमध्ये प्रथम क्रमांक कु. लक्ष्मी रवींद्र तडस यांनी 77.17 टक्के, द्वितीय क्रमांक कु. लावण्या गजानन रघटाटे यांनी 76.67 टक्के, तर तृतीय क्रमांक कु. संजीवनी संजय वांदिले यांनी 72.50 टक्के गुण प्राप्त करून महाविद्यालयाचे नाव उज्ज्वल केले.
या यशाबद्दल संचालक मंडळ पदाधिकारी,महाविद्यालयाच्या प्राचार्या डॉ. कल्पना मकरंदे यांनी विद्यार्थ्यांचे अभिनंदन करत त्यांच्या पुढील शैक्षणिक वाटचालीस शुभेच्छा दिल्या. तसेच पर्यवेक्षक श्री खंडागळे व श्री मुडे यांनी विद्यार्थ्यांचे अभिनंदन केले आहे.तसेच
विभाग प्रमुख प्रा. मंगेश वडूरकर तसेच प्रा. मेघा चंदनखेडे, प्रा. कानोजिया, प्रा. गौर, प्रा. डायगव्हाणे व श्री बुधे यांच्या परिश्रमाने, विद्यार्थ्यांची जिद्द आणि पालकांचे सहकार्य यामुळे हे यश शक्य झाल्याची भावना विद्यार्थ्यांनी व्यक्त केली.
दीपचंद चौधरी कनिष्ठ महाविद्यालयाच्या या घवघवीत यशाबद्दल सर्व स्तरातून अभिनंदनाचा वर्षाव होत आहे.
