🎉 विश्व हिंदू परिषदेत श्रद्धा घोडवैद्य यांची प्रखंड उपाध्यक्षा पदी निवड

हिंगणघाट : शहरासाठी अभिमानास्पद व आनंदाची बातमी समोर आली असून, सामाजिक व धार्मिक क्षेत्रात सक्रिय योगदान देणाऱ्या श्रद्धा घोडवैद्य यांची विश्व हिंदू परिषद, हिंगणघाट प्रखंडाच्या उपाध्यक्षा पदी नियुक्ती करण्यात आली आहे. त्यांच्या निवडीमुळे शहरात समाधान व उत्साहाचे वातावरण निर्माण झाले आहे. ही नियुक्ती स्थानिक राममंदिर येथे पार पडलेल्या बैठकीत अधिकृतपणे जाहीर करण्यात आली. श्रद्धा घोडवैद्य यांनी महिलांमध्ये जागृती निर्माण करणे, संस्कृती संवर्धन आणि विविध सामाजिक उपक्रमांत सक्रिय सहभाग घेऊन आपली वेगळी ओळख निर्माण केली आहे. त्यांच्या कार्यक्षमतेचा व नेतृत्वगुणांचा विचार करून त्यांच्यावर ही महत्त्वपूर्ण जबाबदारी सोपविण्यात आली असल्याचे पदाधिकाऱ्यांनी सांगितले. नियुक्तीप्रसंगी उपस्थित मान्यवर व कार्यकर्त्यांनी श्रद्धा घोडवैद्य यांचे अभिनंदन करून पुढील कार्यासाठी शुभेच्छा दिल्या. त्यांच्या निवडीमुळे संघटनात्मक कार्याला अधिक गती मिळेल, तसेच महिला व युवकांमध्ये नवचैतन्य निर्माण होईल, असा विश्वास व्यक्त करण्यात आला. हिंगणघाट प्रखंडातील सामाजिक, धार्मिक व सांस्कृतिक कार्याला त्यांच्या नेतृत्वाखाली नवी दिशा मिळेल, अशी अपेक्षा व्यक्त होत असून, ही निवड स्थानिक पातळीवर महत्त्वपूर्ण मानली जात आहे.