विविध विकासकामांना गती; पूल, रस्ते, पाणीपुरवठा व मूलभूत सुविधांवर भर
सेलू तालुक्याच्या विकासासाठी मोठी आनंदाची बातमी समोर आली असून पालकमंत्री डॉ. पंकज भोयर यांनी विविध विकासकामांसाठी तब्बल २५ कोटी रुपयांचा निधी मंजूर केला आहे. या निधीमुळे तालुक्यातील प्रलंबित कामांना गती मिळणार असून नागरिकांमध्ये समाधानाचे वातावरण आहे.
मागील काही काळात तालुक्यातील भौतिक सुविधांमध्ये अडचणी निर्माण झाल्या होत्या. त्या पार्श्वभूमीवर या निधीतून प्रशासनिक इमारती, आरोग्य सेवा, बसस्थानक, शैक्षणिक सुविधा, ग्रामीण रस्ते, पाणीपुरवठा योजना, पर्यटन व तीर्थक्षेत्र विकास, तसेच पूल बांधकाम यांसारख्या मूलभूत कामांना प्राधान्य देण्यात येणार आहे.
या निधीतून येळकोळी–सुरगाव–सेलू मार्गावरील सुरगाव येथे मोठ्या पुलाचे बांधकाम करण्यात येणार आहे. तसेच आमगाव–सोडी–हिंगणी–शिवणी मार्गावरील हिंगणी गावाजवळील लहान पुलाचे बांधकाम आणि हिंगणी चौकाचे सौंदर्यीकरण करण्यात येणार आहे. बोरखेडी परिसरातील पुलासाठी सुमारे २ कोटी रुपयांचा निधी तर शहर ते राष्ट्रीय महामार्ग जोडणाऱ्या रस्त्यांवर स्टील रेलिंग, बॅरिकेड्स व पेव्हर ब्लॉक्ससाठी स्वतंत्र तरतूद करण्यात आली आहे.
या सर्व कामांचा समावेश राज्याच्या अर्थसंकल्पीय अधिवेशनात करण्यात आला असून त्यामुळे सेलू तालुक्याच्या विकासाला मोठी चालना मिळणार आहे. हा निधी मंजूर करून दिल्याबद्दल पालकमंत्री डॉ. पंकज भोयर यांनी राज्याचे सार्वजनिक बांधकाम मंत्र्यांचे आभार मानले आहेत.
दरम्यान, या निर्णयामुळे तालुक्यातील पायाभूत सुविधा मजबूत होऊन नागरिकांच्या दैनंदिन जीवनात सकारात्मक बदल होण्याची अपेक्षा व्यक्त केली जात आहे.
पालकमंत्र्यांकडून सेलू तालुक्याला २५ कोटींच्या
